عبد الرحمن عنده 9سنين وهو في سنه ثالثه ابتدائي دمج يوم متولد كان في الشتا وكان لونه مزرق جت صديقه تشوفني وقالت لاختي لازم حد يشوف البيبي اخدته اختي وزوجي ورجعوا ثم قالوا انه عاوز يدفا ويتغذي ومعرفتش حاجه لحد 5شهور كنت عند دكتور ولقيت زوجي بيسال عن علامات الداون وهل هي واضحه واكيد رغم انه عرفت انه عمله تحاليل من يوم متولد وعرفوا انه داون ومحدش بلغني عشأن مزعلش فعلا لما عرفت زعلت وقولت ليه يارب كدا انا عملت ايه وليه انا بالذأت وحعمل ايه دلوقتي ولومت زوجي انه مخبرنيش من قبل قال خفنا عليكي عشأن متتعبيش من الزعل وده قضأء ربنا واختي قالتلي انا عرفت انه الشغل مع هذه الاطفال من بايه عمر سنه فقلت مفيش داعي ازعلك واستغفرت ربنا وقولت لازم اسال بنفسي واشوف في خاجه ممكن تتعمله دكاتره اطفال قالوا عليكى
وعلي بتوع الوراثه وفي مراكز بس مكلفه ممكن تروحي التامين والفرق رفاهيه في تحديد المواعيد وشكل المكان وان المهم ام تدير بالها عليه وكتبلي فيتامين ورحت لدكتور مخ واعصاب بعد تحديد موعد بعد ست شهور وكركب الدنيا علي طلب حاجأت منها ايكو ورسم سمع وكل حاجه من مكان معين مرحتش الاستشأره رحت التامين وعملت الايكو وقالوا مدام بيلتفت للصوت نفيش داعي لرسم السمع وعملت تحليل دم غده والحمد لله ورحت اتابع في التامين لقيت الارشأد قاعده علي مكتب ليس لديها اي ادوات للتدريب انما معها ورق وتقولي اعملي كذأ وكذأ وانا انفذ بالبيت وارجع لها اخد الخطوه التاليه بس مش عرفه بنفذ صح ولا لا فسالت اختي علي مركز ورحت وتابعت فيه حتي يومنا هذأ الحمد لله عبد الرحمن مستواه كةيس في الدراسه بس بيحتاج مهارات فكريه عشأن تشغل المخ وميعتمدش علي الحفظ فقط بمعني سهل عليه حفظ جدول الضرب لكن صعب عليه الجمع والطرح بس الحمد لله ماشي الحال والتخاطب مستمره لانه ساعات لما يتكلم بسرعه ياكل حروف الجر ولسه مبيحكيس حكايه الا لما اقوله وبعدين يقول جمله جمله وده يمكن عشأن هو اول طفل فمكنش في اخوات له يساعدوه علي الكلام بسرعه دي كانت حكايه عبد الرحمن انشأء الله انتظروني احكيلكم حكايه يوسف
