- 7 نصائح لزيادة انتباه وتركيز الأطفال --
============================================
1/ خليك واقعى جدا مع طفلك .. يعنى حدد المهام المطلوبة من الطفل بناءا على مستوى نضج طفلك .. عشان نحافظ على انتباه وتركيز الطفل و ايضا نبعد عن ملل و احباط الطفل

2/ تقسيم المهام الى أجزاء .. يعنى بلاش نجبر الطفل انه يقعد يذاكر ساعة متواصلة وانه يكون منتبه ومركز ويحفظ ويفهم !! وده مش فى صالح الطفل خالص ! .. ولكن احنا نقدر نقسم وقت كل مهمة مطلوبة من الطفل الى اجزاء صغيرة بحيث نحافظ على تركيز الطفل وبعد ذلك نقدر نزود وقت تنفيذ المهام تدريجيا و بالتالى هتزيد درجة انتباه وتركيز الطفل تدريجيا

3/ ابعدى الطفل تماما عن أى مشتتات اثناء تنفيذ مهمة المذاكرة .. يعنى بلاش مشتتات بصرية ولا سمعية

4/ اهتمى جدا بالتغذية الصحية للطفل .. وشجعى الطفل انه ياكل كل الاطعمة اللى بتساعد الطفل على الانتباه والتركيز .. ودى هنتكلم عنها فى بوست تانى

5/ ضرورى جدا الطفل ياخد راحة بين كل نشاط حتى لمدة زمنية قليلة .. المهم متجبريش الطفل على استكمال كل الانشطة تباعا بدون اخذ راحة بين كل نشاط والاخر عشان الطفل يفضل متحمس لتنفيذ الانشطة الخرى وبالتالى يحافظ على انتباهه و تركيزه

6/ عرفى الطفل انه هيخلص النشاط ده وهياخد راحة وبعدين هيبدأ فى نشاط تانى وعرفيه اسم النشاط ايه .. يعنى مثلا الطفل هيخلص نشاط الكتابة وهياخد راحة وبعدين هيبدا فى نشاط القراءة وهكذا

7/ استخدمى التعزيز مع الطفل باستمرار اثناء تنفيذ كل المهام المطلوبة منه .. وبالتأكيد هتكون النتيجة ايجابية فى زيادة مدة انتباه وتركيز الطفل تدريجيا اثناء تنفيذ اى نشاط ‏‎like‎‏ رمز تعبيري

- قولولنا بقى افكار تانية تساعدنا فى زيادة انتباه و تركيز الاطفال ؟ ‏‎smile‎‏ رمز تعبيري